Çex Respublikası ilə Rusiya arasında təyyarə reyslərinə dair razılıq əldə olunub

Çex Respublikası ilə Rusiyanın nəqliyyat nazirlikləri arasında dövlət hava yolu şirkətləri tərəfindən yerinə yetirilən uçuşları qarşılıqlı olaraq əvvəlki sayda saxlamaqla bağlı razılıq əldə olunub.

“Report” TASS-a istinadən xəbər verir ki, bu barədə Çex Respublikasının Nəqliyyat Nazirliyinin sözçüsü Frantişek Yemelka məlumat verib.

O, yay məzuniyyətləri dövründə iki ölkə arasındakı təyyarə uçuşlarının azalmasını arzulamadıqlarını, əməkdaşlığın daha da genişləndirilməsinə dair yayın sonunadək ikitərəfli təmasların davam edəcəyini diqqətə çatdırıb.