Cəlil Məmmədquluzadə küçəsində çökmə ilə əlaqədar iki marşrut avtobusun istiqaməti dəyişdirilib

Bakı. 15 iyul. REPORT.AZ/ Bakının Nəsimi rayonunun Cəlil Məmmədquluzadə küçəsində yolun bir hissəsinin çökməsi ilə əlaqədar olaraq iki marşrut avtobusun istiqaməti dəyişdirilib.

“Report” xəbər verir ki, bu barədə Bakı Nəqliyyat Agentliyi məlumat yayıb.

"Cəlil Məmmədquluzadə küçəsinin müəyyən hissəsinin çökməsi ilə əlaqədar olaraq 52 və 33 nömrəli müntəzəm marşrut avtobuslarının hərəkət istiqamətləri Səməd Vurğun və Abbasqulu ağa Bakıxanov küçələrindən təşkil edilib", - deyə məlumatda qeyd olunub.