Bu gün Bakının 3 rayonunda içməli suyun verilməsində məhdudiyyətlər olacaq

Bakı. 6 oktyabr. REPORT.AZ/ Bu gün Bakı şəhərinin Binəqədi, Yasamal və Nərimanov rayonlarının bir hissəsinə gün ərzində içməli suyun verilməsində məhdudiyyətlər olacaq.

"Azərsu” ASC-dən "Report"a verilən məlumata görə, Ziya Bünyadov prospektində yeni çəkilmiş yağış-kanalizasiya kollektorunun mövcud sistemə birləşdirilməsi işləri ilə əlaqədar müəyyən ərazilərə içməli suyun fasilələrə verilməsi zərurəti yaranıb.