Bu gün Bakıda içməli su problemi olacaq

Bakı. 13 may. REPORT.AZ/ Bu gün Bakı şəhərində içməli suyun verilməsində məhdudiyyətlər yaranacaq.

“Azərsu”nun mətbuat xidmətindən “Report”a verilən xəbərə görə, yeni tikilən +54 “Ramana” su anbarına birləşmənin verilməsi ilə əlaqədar saat 15:00-dan etibarən gün ərzində Bülbülə, Əmircan və Bakıxanov qəsəbələrinin bir hissəsinə içməli suyun verilməsində məhdudiyyətlər olacaq.

Yaranacaq narahatlıqla əlaqədar “Azərsu” abonentlərdən üzr istəyir.