"BakuBus" işdən azad etdiyi sürücülərin sayını açıqlayıb

Bakı. 20 iyul. REPORT.AZ/ Paytaxtda sərnişindaşıma ilə məşğul olan "BakuBus" MMC ötən il 124, bu il isə 85 sürücünü yol verdiyi nöqsanlara görə işdən azad edib. 

"Report" xəbər verir ki, bu barədə şirkətin direktor müavini Azər Qasımov bildirib. 

Bundan başqa, onun sözlərinə görə, daxili nizam-intizam qaydalarını pozduqları üçün 200-300 sürücü tənbeh edilib. 

"Son nəticədə "BakuBus"un nəzarətində olan marşrut xətlərində yol-nəqliyyat qəzalarının sayı azalıb", - deyə o qeyd edib. 

A.Qasımov bütün sürücülərin təlimlərə cəlb edildiyini də vurğulayıb.