Bakının Mir Cəlal küçəsində hərəkət qismən məhdudlaşdırılacaq

Bakı. 6 sentyabr. REPORT.AZ/ Bakının Mir Cəlal küçəsinin yenidən qurulması işləri çərçivəsində sabahdan küçədə avtonəqliyyat vasitələrinin hərəkəti qısa müddətə qismən məhdudlaşdırılacaq.

Bu barədə "Report"a “Azərbaycan Avtomobil Yolları” Dövlət Agentliyindən bildirilib. 

Məlumatda deyilir ki, küçə boyu hərəkət tam məhdudlaşdırılmır: "Sürücülərdən sözügedən istiqamətdə sıxlığın yaranmaması üçün öncədən hərəkət istiqamətlərinə uyğun olaraq alternativ yollardan istifadə etmələri tövsiyyə olunur. Yaranacaq müvəqqəti narahatlığa görə vətəndaşlardan üzr istəyir və aparılan işlərə anlayışla yanaşmalarını xahiş edirik".