Bakının bəzi mərkəzi küçələrində nəqliyyatın hərəkət istiqaməti dəyişdirilir

Bakının bəzi mərkəzi küçələrində nəqliyyatın hərəkət istiqaməti dəyişdirilir Sürücülərə alternativ yollarla hərəkət etməyi tövsiyə edilir
İnfrastruktur
2998
5 Avqust , 2016 13:09
Bakının bəzi mərkəzi küçələrində nəqliyyatın hərəkət istiqaməti dəyişdirilir

Bakı. 5 avqust. REPORT.AZ/ Bakı şəhəri Yasamal rayonunun keçmiş “Sovetski” ərazisində yeni yol-nəqliyyat infrastrukturunun salınması və abadlıq işlərinin aparılması ilə əlaqədar bu gündən etibarən Mirzəağa Əliyev, Abdulla Şaiq, Zülfi Adıgözəlov, Mustafa Sübhi, Mirzə Fətəli Axundov və Murtuza Muxtarov küçələrinin bir hissəsində nəqliyyat vasitələrinin hərəkətinin tam məhdudlaşdırılması nəzərdə tutulub. 

Bakı Nəqliyyat Agentliyinin ictimaiyyətlə əlaqələr və maarifləndirmə şöbəsinin müdiri Nuridə Allahyarovanın "Report"a verdiyi məlumata görə, qeyd edilən ərazidə yarana biləcək nəqliyyat sıxlığının qarşısının alınması məqsədilə Çingiz Mustafayev küçəsində nəqliyyat vasitələrinin hərəkəti Zərgərpalan küçəsindən Nəriman Nərimanov prospekti istiqamətində birtərəfli təşkil edilərək Mirzəağa Əliyev küçəsi vasitəsilə hərəkət edən nəqliyyat vasitələri bu küçəyə yönləndiriləcək. 

Sürücülərə alternativ yollarla hərəkət etməyi tövsiyə edilir.

Qeyd edək ki, Ç.Mustafayev küçəsində hərəkətin qeyd edilən istiqamətdə təşkil edilməsi məqsədilə ümumilikdə 39 ədəd (18 ədəd “Dayanmaq qadağandır” (3.27), 3 ədəd “Baş yol” (2.1), 4 ədəd “Dayanmadan keçmək qadağandır” (2.5), 6 ədəd “Giriş qadağandır” (3.1), 3 ədəd “Düzünə və ya sola hərəkət” (4.1.5), 2 ədəd “Düzünə hərəkət” (4.1.1), 1 ədəd “Birtərəfli hərəkət” (5.5) və 2 ədəd “Sola hərəkət” (4.1.3) yol nişanının quraşdırılması nəzərdə tutulub.

Son xəbərlər

Orphus sistemi