Bakıda yolun ortasında parklanmış minik avtomobili təxliyə edilib - ƏLAVƏ OLUNUB

İlk xəbər saat 16:03-də verilib

Bakıda "Mitsubishi Pajero" markalı minik avtomobili Dövlət Statistika Komitəsinin qarşısından keçən yolun ortasında parklanıb. 

“Report” xəbər verir ki, bu barədə Bakı Nəqliyyat Agentliyinin (BNA) Mətbuat xidmətinin rəhbəri Mais Ağayev məlumat verib. 

Qeyd edək ki, BNA paytaxtın küçə və prospektlərində qanunsuz parklanma hallarına nəzarətin təkmilləşdirilməsi üzrə işlər davam etdirir. Bu çərçivədə nəzarət tədbirləri xüsusi kameralarla təchiz olunan avtomobillərlə də aparılır. Avtomobilin hərəkət trayektoriyasındakı yollarda dayanma və durma qaydalarının pozulması faktları aşkar edildikdə həmin hallar videoçəkilişlə qeydə alınır. 

*** 

Agentlik nəqliyyat vasitəsini ərazidən təxliyə edib.