Bakı-Sumqayıt-Bakı marşrutu ilə hərəkət edən elektrik qatarlarında kart sistemi tətbiq ediləcək

Bakı. 4 iyun. REPORT.AZ/ "Bakı-Sumqayıt-Bakı marşrutu ilə hərəkət edən elektrik qatarlarında kart sistemi tətbiq ediləcək".

Bunu "Report"a “Azərbaycan Dəmir Yolları” Qapalı Səhmdar Cəmiyyətinin İctimaiyyətlə əlaqələr şöbəsinin rəisi Sevinc Qədirova bildirib.

Onun sözlərinə görə, hazırda bu istiqamətdə hazırlıq işləri aparılır: "Kart sisteminin yaxın günlərdə tətbiq ediləcəyi planlaşdırılır. Bu, hazırda ictimai nəqliyyatda istifadə edilən kart olmayacaq".