Azərbaycanda aviauçuşların təhlükəsizliyinə dair proqram hazırlanacaq

Azərbaycanda aviauçuşların təhlükəsizliyinə dair proqram hazırlanacaq "Aviasiya haqqında" qanuna dəyişikliklər hazırlanıb
İnfrastruktur
19 Yanvar , 2017 14:02
Azərbaycanda aviauçuşların təhlükəsizliyinə dair proqram hazırlanacaq

Bakı. 19 yanvar. REPORT.AZ/ "Aviasiya haqqında" qanuna dəyişikliklər edilməsi haqqında qanun layihəsi bu gün Milli Məclisin İqtisadi siyasət sənaye və sahibkarlıq Komitəsinin bugünki iclasında müzakirə olunub. 

"Report" xəbər verir ki, Dövlət Mülki Aviasiya Administrasiyasının direktoru Arif Məmmədov bildirib ki, dəyişikliyə beynəlxalq təşkilatların tələbləri əsasında başlanılıb. Bu, əsasən Çikaqo Konvensiyasının tələblərinin daxili normativ aktlarda öz əksini tapması ilə bağlıdır. Dəyişikliklə, uçuşların təhlükəsizliyi proqramı hazırlanmalı və qanunda öz əksini tapmalıdır.

O bildirib ki, hazırda uçuşların təhlükəsizliyi ilə bağlı Adminstrasiyanın uçuşlar haqqında qaydaları var və yeni proqram hazırlanmasında həmin qaydalardan istifadə olunacaq və həmin qaydalar proqram formasına salınacaq. A.Məmmədov qeyd edib ki, həmin proqramda heyət üzvlərinin səhvlərindən baş verən hadisələrin olmaması üçün müəyyən özəl sistemin yaradılması da nəzərdə tutulur. Bir sözlə, Adminstrasiyanın qərarları yetərli deyil, dövlət qanununda əks olunmalıdır. Ona görə də bu dəyişiklik vacibdir. Onun sözlərinə görə, dəyişiklik uçuşların standartlara uyğunluq faizinin artırılmasına imkan verəcək.

O həmçinin, yaxın zamanda struktur dəyişikliklərinin də olacağını qeyd edib.

Son xəbərlər

Orphus sistemi