​Azərbaycan Rusiyada logistika mərkəzi açmaq niyyətindədir

Bakı. 10 dekabr. REPORT.AZ/ Azərbaycan Rusiyada logistika mərkəzi açmaq üçün təklifləri nəzərdən keçirir. "Report" xəbər verir ki, bunu jurnalistlərə açıqlamasında iqtisadiyyat və sənaye nazirinin müavini Sahil Babayev deyib.

S.Babayevin sözlərinə görə, Aktaudakı (Qazaxıstan) logistika mərkəzinə şirkətlərin marağı böyükdür: "Biz qeyri-neft məhsullarının maraq göstərilən bazarlarda satılmasının tərəfdarıyıq. Hazırda bu istiqamətdə Ukrayna, Rusiya, Mərkəzi Asiya ölkələrinin bazarlarına çıxış əldə etməkdə maraqlıyıq"