AZAL-ın Müşahidə Şurasının iclası keçirilib

"Azərbaycan Hava Yolları" QSC-nin (AZAL) Müşahidə Şurasının (MŞ) növbəti iclası keçirilib.

"Report" AZAL-a istinadən xəbər verir ki, iclasda aviaşirkətin cari fəaliyyəti və aktual məsələlər, həmçinin dövlət başçısının fərman və sərəncamlarından irəli gələn vəzifələrin yerinə yetirilməsinin təmin edilməsi üzrə tədbirlər müzakirə olunub.

Görüşdən sonra Şura üzvləri üçün Heydər Əliyev Beynəlxalq Aeroportunda işçi ekskursiya təşkil olunub.

Xatırladaq ki, MŞ Prezident İlham Əliyevin 30 mart 2021-ci il tarixli sərəncamı ilə yaradılıb.