Bakı. 24 fevral. REPORT.AZ/ Azərbaycan 2015-ci ildə Rusiyanın "AvtoVAZ" avtomobil modellərinin ixrac olunduğu ölkələrin ilk beşliyinə daxil olub. "Report"un Rusiya mətbuatına istinadən verdiyi xəbərə görə, Azərbaycanla yanaşı, əsas idxalçıların sırasına Qazaxıstan, Misir, Ukrayna və Almaniya daxildir.
Qeyd edilən dövrdə Rusiya avtomobil brendi müxtəlif ölkələrə təxminən 70 min avtomobilin göndərilməsinə dair müqavilələr imzalayıb.
Hazırda şirkət Livan və Suriyaya modellərinin ixracını həyata keçirməyi planlaşdırır. "AvtoVAZ" 2015-ci ilin sonunda isə Macarıstan bazarına qayıdıb.
Şirkət rəhbəri Bu Andersson deyib ki, müəssisə Avropanın 5-6 ölkəsinə "Vesta" və "Xray" kimi yeni modellərin ixracını təşkil etməyi planlaşdırır.