Bakı. 22 noyabr. REPORT.AZ/ "Azərbaycan Hava Yolları" (AZAL) QSC mayın 2-dən etibarən Bakı-Berlin-Bakı marşrutu ilə müntəzəm aviareyslərə başlayır.
Turizm şirkətlərindən "Report"a verilən məlumata əsasən, uçuşlar 119 yerlik olan "Airbus-319" təyyarəsi ilə həyata keçiriləcək. Reyslər həftədə iki dəfə - çərşənbə və şənbə günləri yerinə yetiriləcək, uçuş müddəti isə təxminən 4 saat 30 dəqiqə olacaq.
Qeyd edək ki, Bakı-Berlin-Bakı reysinə aviabiletin qiyməti 453 manatdır (iki tərəfə).