Agentliyin rəhbəri: Bina tikən sahibkarlardan parkların salınması ilə bağlı təşəbbüslər görmürük

Bakıda sahibkarlar tez-tez binalar tiksələr də, parkların salınması istiqamətində təşəbbüslər yoxdur.

"Report" xəbər verir ki, bunu Dövlət Ekoloji Ekspertiza Agentliyinin İdarə Heyətinin sədri Mirsalam Qənbərov Agentliyin keçirdiyi ictimai dinləmədə deyib.

O bildirib ki, yeni yaşayış binaları salınarkən qanunvericilik nəzərə alınmalıdır:

“Söküntü də elə yaşıllığın məhv edilməsidir. Bu gün inkişaf birtərəfli gedir. Parkların çoxuna baxırsan, hər şeyi dövlət edir. Evi tikən də ədalətli olmalıdır. Heç olmaya binaları tikərkən park da salınsın”.