Bakı. 12 oktyabr. REPORT.AZ/ Azərbaycanın xalq artisti, xanəndə Könül Xasıyeva konsertə hazırlaşır.
Bu barədə "Report"a o özü məlumat verib.
Xalq artisti noyabrın 3-4-də Beynəlxalq Muğam Mərkəzində "Təkcə səndən nigaranam" adlı konsert proqramı ilə çıxış edəcəyini bildirib: "Hazırda konsertə hazırlıq gedir. İki gün keçiriləcək konsert proqramında muğam və təsniflərimiz, xalq mahnılarımızla yanaşı, bəstəkar mahnıları da səsləndiriləcək. Konsertdə ilk dəfə olaraq tələbələrimin də çıxışı gözlənilir".