Bakı. 13 aprel. REPORT.AZ/ Sabit Rəhman adına Şəki Dövlət Dram Teatrı mayın 8-dən Türkiyənin Giresun şəhərində keçiriləcək "Giresun Teatr Günləri"ndə iştirak edəcək.
Bu barədə "Report"a Şəki Dövlət Dram Teatrının baş rejissoru Mirbala Səlimli məlumat verib.
M.Səlimlinin sözlərinə görə, teatr iki həftəyə yaxın Türkiyənin Giresun, Adana, Ankara şəhərlərində görkəmli türk dramaturqu Haldun Dönərin "Və dəyirman dönərdi" tamaşasını nümayiş etdirəcək.
Tamaşa Haldun Dönərin 100 illik yubileyi münasibətilə TÜRKSOY-un təşəbbüsü ilə hazırlanıb.