Bakı. 4 mart. REPORT.AZ/ Martın 4-də Bakı Şəhər Mədəniyyət və Turizm İdarəsinin Musiqi Məktəblərinin təşkilatçılığı ilə Qara Qarayev adına Mərkəzi İncəsənət Məktəbinin konsert zalında 8 mart – Beynəlxalq Qadınlar gününə həsr edilən konsert proqramı keçirilib.
"Report" xəbər verir ki, Bakı şəhərinin uşaq musiqi və incəsənət məktəblərində təhsil alan 1-ci sinif şagirdlərinin “Səhnəyə ilk addım” adlı konserti keçirilib.
Şagirdlər Azərbaycan və Avropa bəstəkarlarının əsərlərindən ibarət zəngin konsert proqramı ilə çıxış edib.
Məktəbin foyesində İncəsənət Məktəbinin 1-ci sinif şagirdlərinin əl işlərindən ibarət sərgi təşkil olunub.