Qəbələdə V Beynəlxalq Mürəbbə Festivalı keçiriləcək

Qəbələdə V Beynəlxalq Mürəbbə Festivalı keçiriləcək Festivalda 25 ölkə komandası iştirak edəcək
İncəsənət
1619
17 Avqust , 2017 16:07
Qəbələdə V Beynəlxalq Mürəbbə Festivalı keçiriləcək

Bakı. 17 avqust. REPORT.AZ/ Qəbələ rayonunda V Beynəlxalq Qəbələ Mürəbbə Festivalı keçiriləcək.

Bu barədə "Report"a Milli Turizm Təbliğat Bürosundan məlumat verilib. 

Avqustuna 26-da baş tutacaq festivalda 25 ölkə komandası, Azərbaycanın 35-ə yaxın bölgəsi və sənaye üsulu ilə mürəbbə istehsal edən müəssisələr, Ümumdünya Kulinariya Təşkilatının (WACS) prezidenti Tomas Gugler, Ümumdünya İslam Kulinariya Təşkilatının (WICS) prezidenti Gökhan Tufan və baş katibi Ali Trobolisinin iştirakı nəzərdə tutulur.

Azərbaycan mədəniyyətinin və milli kulinariyasını təbliğ etmək məqsədilə Qəbələ mürəbbə festivalında şirniyyatçılar tərəfindən fərqli mürəbbə çeşidləri hazırlanıb, rayona səfər edən yerli və xarici qonaqlar üçün nümayiş olunacaq.

Qeyd edək ki, festival Mədəniyyət və Turizm Nazirliyinin dəstəyi və Qəbələ Rayon İcra Hakimiyyətinin, Azərbaycan Milli Kulinariya Mərkəzinin, Azərbaycan Milli Kulinariya Assosiasiyasının təşkilatçılığı ilə keçirilir.  

Son xəbərlər

Orphus sistemi