​İtaliyanın tanınmış rejissoru vəfat edib

Bakı. 20 yanvar. REPORT.AZ/ İtaliyanın tanınmış rejissoru və ssenaristi Ettore Skola Romada 84 yaşında vəfat edib.

"Report" xəbər verir ki, bu haqda BBC məlumat yayıb.

O, iki dəfə "Oskar" mükafatına namizəd göstərilib, Kann və Berlin kinofestivalları da daxil olmaqla çoxlu sayda mükafatlara layiq görülüb.

Onun filmlərində Sofi Loren, Marçello Mastroyann kimi məşhur artist və aktrisalar çəkiliblər. Ettore Skola "Qeyri-adi gün", "Biz bir-birimiz belə sevirdik", "İyrənc, çirkli və kinli", "Bal" və "Qısqanclığın dramı" kimi dünya şöhrətli filmləri çəkib.