Heydər Əliyev Mərkəzinin parkında uşaqlar üçün rəsm dərsi təşkil olunub

Bakı. 17 iyun. REPORT.AZ/ Heydər Əliyev Mərkəzinin parkında bu həftəsonu uşaqlar üçün rəsm dərsi təşkil olunub.

Mərkəzdən "Report"a verilən məlumata görə, hər bir kəsin iştirak edə biləcəyi bu dərsdə uşaqlar müxtəlif rəsmlər çəkib, müəllimlərin tövsiyyələri üzrə rəsm vərdişlərini inkişaf etdiriblər.

Rəsm dərsini rəssam, Azərbaycanda və xaricdə keçirilən bir sıra sərgilərin iştirakçısı, "Tonus Klubu"nun müəllimi Röya Həsənova keçib.

Açıq havada keçirilən dərs həm də uşaqların həftəsonu əyləncəsinin maraqlı təşkilinə imkan yaradıb.