Bakı. 23 dekabr.REPORT.AZ/ İtaliyanın "Vogue" jurnalının baş redaktoru və vaxtilə bu ölkədə moda üzrə birinci olan Franka Sozzani vəfat edib.
"Report" BBC-ə istinadən xəbər verir ki, uzun müddətdir xəstəlikdən əziyyət çəkən F.Sozzani 66 yaşında Milanda dünyasını dəyişib.
F.Sozzani 2008-ci ildə "Vogue"nin "tamamilə qara" sayını nəşr etdirib. Yalnız qaradərili modellər üçün olan bu nəşr qısa zamanda hitə çevrilib.
"Vogue" jurnalına 1998-ci ildən rəhbərlik edən Franka Sozzani dəb dünyasının tanınmış simalarından biri olub.