Ehtiram Hüseynov: "Əməkdar artist fəxri adına layiq görülməyimə görə çox sevindim"

Ehtiram Hüseynov: "Əməkdar artist fəxri adına layiq görülməyimə görə çox sevindim" Əməkdar artist: "Şur" dəstgahı və "Çahargah" muğamlarını lentə aldırmağı planlaşdırıram"
İncəsənət
233
22 Dekabr , 2017 17:22
Ehtiram Hüseynov: Əməkdar artist fəxri adına layiq görülməyimə görə çox sevindim

Bakı. 22 dekabr. REPORT.AZ/ "Azərbaycan Prezidenti İlham Əliyevin imzaladığı sərəncamla ölkənin əməkdar artisti fəxri adına layiq görülməyimə görə çox böyük qürur və şərəf hissi duyuram. Bundan sonrakı fəaliyyətimdə bu adı doğrultmağa çalışacağam".

Bunu "Report"a açıqlamasında muğam ifaçısı, əməkdar artist Ehtiram Hüseynov deyib.

O qeyd edib ki, fəxri ad alması xəbərini dostlarından eşidib: "İnternetdən oxuyub mənə xəbər verdilər. Çox sevindim. Azərbaycan Respublikasının əməkdar artisti fəxri adına layiq görülməyimə görə əziz və möhtərəm Prezidentimə şəxsən öz adımdan və ailə üzvlərimin adından dərin təşəkkürümü bildirirəm. Bundan sonra da musiqi mədəniyyətimizin, muğam sənətimizin inkişafında bacardığım səyləri əsirgəməyəcəyəm”.

Əməkdar artist gələcək planlarından da danışıb. O, hazırda dekabrın 25-də baş tutacaq konsert proqramına hazırlaşdığını vurğulayıb: "Konsert Muğam Mərkəzində keçiriləcək. Bununla yanaşı "Şur" dəstgahı və "Çahargah" muğamlarını lentə aldırmağı planlaşdırıram".

Onun sözlərinə görə, yaz aylarında Polşaya və digər ölkələrə qastrol səfərləri gözlənilir.

Qeyd edək ki, Prezident İlham Əliyev dekabrın 20-də Sumqayıt şəhərinin sosial-iqtisadi və mədəni inkişafında xidmətləri olan şəxslərin təltif olunması haqqında sərəncam imzalayıb. Sərəncama əsasən, xanəndə Ehtiram Hüseynov Azərbaycanın əməkdar artisti fəxri adına layiq görülüb. 

Son xəbərlər

Orphus sistemi