Bakıda məktəb direktoru və müavininə yazılı xəbərdarlıq edilib

Bakı. 29 fevral. REPORT.AZ/ Bakı Şəhər Mədəniyyət və Turizm İdarəsi aparılan yoxlamaların nəticələrini əsas tutaraq əmək fəaliyyətlərində buraxdıqları nöqsanlara görə tabeliyində olan Ə.Bakıxanov adına 6№ -li Uşaq Musiqi məktəbinin direktoru Almaz Əhmədovaya və məktəbin tədris işləri üzrə direktor müavini İlahə Ağayevaya yazılı xəbərdarlıqlar edib.

Bu barədə "Report"a idarədən məlumat verilib.

Xatırladaq ki, idarənin ilin əvvəlindən apardığı yoxlamaların nəticələrinə əsasən qurumun tabeliyində olan mədəniyyət müəssisələrinin bir neçə əməkdaşına da töhmət və xəbərdarlıqlar olunub.