Bakı Kukla Teatrı Fransada “Leyli və Məcnun” tamaşasını göstərəcək - FOTO

Bakı Kukla Teatrı Fransada keçirilən Kukla Teatrlarının 20-ci Dünya Festivalında iştirak edəcək.

"Report"un Fransa bürosu xəbər verir ki, Fransanın Şarlvil Mezye şəhərində 20-29 sentyabrda baş turacaq Dünya Festivalında Bakı Kukla Teatrı görkəmli Azərbaycan şairi Məhəmməd Füzulinin poeması və unudulmaz bəstəkar Üzeyir Hacıbəylinin operası əsasında hazırlanmış “Leyli və Məcnun” tamaşası ilə çıxış edəcək.

10 gün davam edəcək festivalda 5 qitədən gələn 100-ə yaxın kukla teatrı iştirak edəcək.