Türkiyə ilə Qarabağda radioloji tədqiqatların aparılması müzakirə edilib

Türkiyə ilə Qarabağda radioloji tədqiqatların aparılması müzakirə edilib Həmçinin bu sahədə normativ-hüquqi bazanın yaradılması müzakirə olunub
İKT
18 İyun , 2021 18:04
Türkiyə ilə Qarabağda radioloji tədqiqatların aparılması müzakirə edilib

Azərbaycan Respublikası nəqliyyat, rabitə və yüksək texnologiyalar nazirinin müavini Rövşən Rüstəmov və Türkiyə Enerji, Nüvə və Mədən Araşdırma Qurumunun (TENMAK) sədri Abdulkadir Balıkçı arasında görüş keçirilib.

"Report" xəbər verir ki, bu barədə nazirlik məlumat yayıb.

Bildirilir ki, görüşdə işğaldan azad edilmiş Azərbaycan ərazilərində radiometrik və radioloji tədqiqatların aparılması, tədqiq olunan ərazinin radioloji xəritəsinin hazırlanması ilə bağlı fikir mübadiləsi aparılıb.

Qeyd edilib ki, salınacaq yaşayış məntəqələrində qamma-fon xəritəsinin hazırlanması və radioaktiv mənbələrin, çirklənmə və tullantıların aşkar edilməsi, eləcə də əsas içməli və texniki su mənbələrinin radioloji monitorinqi prioritet təşkil edir. Həmçinin bu sahədə normativ-hüquqi bazanın yaradılması müzakirə olunub.

Son xəbərlər

Orphus sistemi