Azərbaycanda “Rəqəmli bacarıqlar üzrə tərəfdaşlıq” platforması təsis edilib

Azərbaycanda “Rəqəmli bacarıqlar üzrə tərəfdaşlıq” platforması təsis edilib Nazir müavini Elmir Vəlizadə, təhsil nazirinin müavini Firudin Qurbanov və Aİ-nın Azərbaycandakı nümayəndəliyinin rəhbəri Kestutis Jankauskas açılış nitqləri ilə çıxış ediblər.
İKT
506
16 Dekabr , 2020 15:10
Azərbaycanda “Rəqəmli bacarıqlar üzrə tərəfdaşlıq” platforması təsis edilib

“InnoWeek – İnnovasiya həftəsi 2020” çərçivəsində Nəqliyyat, Rabitə və Yüksək Texnologiyalar Nazirliyi (NRYTN) və Avropa İttifaqının (Aİ) təşəbbüsü ilə “Rəqəmli bacarıqlar üzrə tərəfdaşlıq” platformasının yaradılmasına həsr edilmiş videokonfrans keçirilib.

Bu barədə “Report”a Nazirlikdən məlumat verilib.

Nazir müavini Elmir Vəlizadə, təhsil nazirinin müavini Firudin Qurbanov və Aİ-nın Azərbaycandakı nümayəndəliyinin rəhbəri Kestutis Jankauskas açılış nitqləri ilə çıxış ediblər.

Daha sonra "İnformasiya-Kommunikasiya Texnologiyalarının Tətbiqi və Tədrisi Mərkəzi" MMC-nin direktoru Rauf Cabarov “Rəqəmli bacarıqlar üzrə tərəfdaşlıq” platformasının (Milli Koalisiya) yaradılması, prinsipləri, məqsədləri və perspektivləri mövzusunda təqdimat edib.

Konfransda “Rəqəmli bacarıqlar üzrə tərəfdaşlıq” platformasının əsası qoyulub. NRYTN-nin təşəbbüsü ilə yaradılan Tərəfdaşlıq Platforması təşəbbüsünə Təhsil Nazirliyi, İqtisadiyyat Nazirliyi, Əmək və Əhalinin Sosial Müdafiəsi Nazirliyi dəstək veriblər. Eləcə də, özəl tərəfdaşlar “Microsoft Azerbaijan” və “Azercell Telecom” MMC-lər bu tərəfdaşlığı dəstəklərini bildiriblər.

“Rəqəmli bacarıqlar üzrə tərəfdaşlıq” platforması rəqəmli bacarıqlar istiqamətində fəaliyyət göstərən bütün maraqlı qurumlar və təşkilatlar arasında əməkdaşlığın genişləndirilməsi, görülən işlərin əlaqələndirilməsi və eyni zamanda, rəqəmli bacarıqlar üzrə dövlət – özəl tərəfdaşlığının inkişafı məqsədilə yaradılır. Bu tərəfdaşlığa rəqəmli bacarıqlar sahəsi üzrə məşğul olan istənilən qurum qoşula bilər.

Son xəbərlər

Orphus sistemi