​Rabitə və yüksək texnologiyalar nazirinin Gəncə səfərinin vaxtı dəyişdirilib

Bakı. 2 avqust. REPORT.AZ/ Rabitə və yüksək texnologiyalar naziri Ramin Quluzadənin avqustun 5-də Gəncə şəhərində vətəndaşlarla keçirilməsi nəzərdə tutulan görüşünün vaxtı dəyişdirilib. 

Bu barədə "Report"a nazirlikdən bildirilib. 

Məlumata görə, avqust ayı üzrə keçiriləcək görüşün tarixi barədə əvvəlcədən məlumat veriləcək.

Nazirin Gəncədə bu şəhərin, eləcə də Naftalan, Goranboy, Samux, Daşkəsən, Göygöl və Kəlbəcər rayonlarının sakinləri ilə görüşü nəzərdə tutulur.