“F-Telecom”: Şikayətçinin mobil balansından pul müvəqqəti texniki çətinli görə silinib

Bakı. 18 dekabr. REPORT.AZ/ Maliyyə Bazarlarına Nəzarət Palatasının Nərimanov Rayon Məhkəməsində iddia qaldıraraq 8 min manat cərimə etdirdiyi “F-Telecom” şirkəti bu gün “Report”a açıqlama verib.

Açıqlamada bildirilir ki, şirkətin keçirdiyi “Gizli Rəqəm” layihəsinin vaxtından əvvəl dayandırılması onlardan asılı olmayıb. Belə ki, texniki səbəblərdən layihə yarımçıq dayandırılıb. Nəticədə həm “F-Telecom” cərimələnib, həm də şirkətə mənəvi zərər vurulub.

“F-Telecom”dan Palataya şikayət edən Fuad Salmanlının mobil balansından 16 manat isə müvəqqəti texniki çətinlik nəticəsində silinib. Həmin məbləğ şikayətçinə qaytarılıb. Bu barədə rəsmi elektron məktub da var. Yəni, nəticə olaraq F.Salmanlı lisenziya əsasında keçirilən “Gizli Rəqəm” oyununda iştirak etmədiyi üçün onun hesabından pul silinməyib. Bununla bağlı şikayətçi ilə əlaqə saxlanılıb və vəziyyət ona izah olunub.