“Buqələmun” telefonlar hazırlanır

Yaxın gələcəkdə arxa üzü dəyişkən rəngdə olan mobil telefonlar bazara çıxarıla bilər.

“Report” xəbər verir ki, bu barədə “Twitter”də "İce universe" adlı istifadəçi məlumat paylaşıb:

“Mobil telefon markası sahibi arxa üzü dəyişkən rəngdə olan və rəng dəyişdirməyin sürəti tənzimlənə bilən mobil telefon hazırlayır. Bəlkə də, gələcəkdə yalnız bir rəngdə olan smartfonlar yerinə dəyişkən rənglilər gələcək”.

İstifadəçinin təqdim etdiyi videoda isə telefonun göy rəngdən açıq bozadək dəyişdiyi görünür.

“Weibo”da paylaşılan başqa bir videoda isə elektrocromik şüşəli arxa üzünün dəyişkən rəngdə olduğu smartfonun “Vivo” şirkətinin məhsulu olduğu bildirilir. Həmin cihazda rəng dəyişdirmək düyməni basmaqla həyata keçirilir. Həmçinin bu videoda kamera yuvasının üstü örtülüdür.

A mobile phone brand is developing a mobile phone with a discoloration rear case, which can adjust the speed of discoloration. Maybe the smart phone will only have one color in the future: discoloration pic.twitter.com/kSg5NSD0tL

— Ice universe (@UniverseIce) September 3, 2020