Bakıda e-ticarət bacarıqlarının inkişaf etdirilməsi üzrə master-klass keçiriləcək

Bakıda e-ticarət bacarıqlarının inkişaf etdirilməsi üzrə master-klass keçiriləcək Bakı. 19 sentyabr. REPORT.AZ/ Sentyabrın 24-25-də Bakıda e-ticarət bacarıqlarının inkişaf etdirilməsi üzrə master-klass keçiriləcək.
İKT
19 Sentyabr , 2018 15:31
Bakıda e-ticarət bacarıqlarının inkişaf etdirilməsi üzrə master-klass keçiriləcək

Bakı. 19 sentyabr. REPORT.AZ/ Sentyabrın 24-25-də Bakıda e-ticarət bacarıqlarının inkişaf etdirilməsi üzrə master-klass keçiriləcək.

Bu barədə "Report"a Nəqliyyat, Rabitə və Yüksək Texnologiyalar Nazirliyindən bildirilib. 

Məlumata görə, Nazirliyin təşəbbüsü, Avropa İttifaqının və BMT-nin Ticarət və İnkişaf üzrə Konfransının dəstəyi ilə keçirilən Bakı Elektron Ticarət Forumu çərçivəsində tanınmış beynəlxalq ekspertlər “E-ticarət bacarıqlarının inkişaf etdirilməsi” üzrə master-klas təşkil edəcək. 

Gənclərin və startapçıların böyük marağına səbəb olacaq seminarın əsas natiqi qismində “Grow Global” kitabının müəllifi kimi məşhurlaşan böyük britaniyalı Sarah Karrol çıxış edəcək. Master-klasda iştirak etmək üçün sentyabrın 21-i saat 16:00-dək Bakı Elektron Ticarət Forumunun Təşkilat Komitəsi ilə əlaqə saxlayaraq ([email protected], tel.: (012) 5391797) qeydiyyatdan keçmək tələb olunur. 

Bakı Elektron Ticarət Forumu elektron ticarət dünyasının cari il üzrə ən maraqlı beynəlxalq tədbirlərindəndir və bir çox yeniliklərlə yadda qalacaq. İki gün davam edəcək foruma 300-dən artıq yerli və xarici iştirakçının qatılıcağı gözlənilir. Tədbirdə beynəlxalq təşkilatlar, dövlət qurumları, kiçik və orta sahibkarlar, startaplar, icitmai təşkilatlar və investorlar təmsil olunacaq. Forum iştirakçıları elektron ticarət sahəsində zəngin təcrübəyə malik olan tanınmış spikerləri dinləmək, e-ticarət ilə bağlı təsəvvürü və bilik dairəsini genişləndirmək, habelə praktiki vərdişlərə yiyələnmək imkanı qazanacaq. 

Son xəbərlər

Orphus sistemi