Rəqəmsal İnkişaf və Nəqliyyat Nazirliyinə məxsus “AzInTelecom” MMC "Hökumət buludu layihəsi" çərçivəsində informasiya texnologiyaları avadanlıqlarının və lisenziyaların (1), eləcə də şəbəkə təhlükəsizliyinin mərkəzi idarəetmə proqram təminatına 3 illik texniki dəstək xidmətinin (2) satın alınması ilə bağlı elan etdiyi 2 açıq tenderə yekun vurub.
"Report" dövlət satınalmalarının vahid internet portalına istinadən xəbər verir ki, tenderlərin qalibləri müvafiq olaraq "Sinam" və "Farah İnnovations" MMC-lərdir.
Qalib şirkətlərə müvafiq olaraq 1,918 milyon manat və 1,801 milyon manat, ümumilikdə isə 3,719 milyon manat ödəniləcək.