Bakı 21° C
https://static.report.az/photo/3c096c0c-6574-4274-b690-f1b9f8008358.jpg
Bakı. 3 iyun. REPORT.AZ/ Bu gündən etibarən "Azercell" fakturasız xətt (SimSim) abunəçiləri üçün yeni “Azercellim” tarifini təqdim edir.
Şirkətdən "Report"a verilən məlumata görə, bu tarifə qoşulan abunəçilər indi şəbəkədaxili zənglərin 1 dəqiqəsi üçün 4, şəbəkəxarici zənglərin 1 dəqiqəsi üçün isə cəmi 6 qəpik ödəyəcəklər. “Azercellim”də SMS xidmətindən istifadə 3 qəpiyə bərabərdir.
Abunəçilər yeni tarifə qoşulmaq üçün A yazıb 7575 göndərməlidirlər. Yeni tarifdə hesablama intervalı 1 dəqiqə üzrə hesablanır. Eyni zamanda, iyunun 3-dən etibarən yeni aktivləşən və ya nömrələrini operatorun şəbəkəsinə daşıyan SimSim abunəçilərinin nömrələri yeni “Azercellim” tarifində olacaq. Yeni aktivləşən, nömrələrini şəbəkəyə daşıyan SimSim abunəçilərinə preaktiv balans olaraq 3 AZN hədiyyə veriləcək. Preaktiv balans ölkədaxili zəng və SMS, həmçinin Mobil İnternet üçün 30 gün ərzində istifadə oluna bilər.
| Xidmətin adı | Ölçü vahidi | Xidmətin haqqı (ƏDV daxil, AZN ilə) |
| Şəbəkədaxili zəng | Hər bir dəqiqə | 0,04 |
| Şəbəkəxarici zəng | Hər bir dəqiqə | 0,06 |
| SMS | Hər bir ədəd | 0,03 |
| Mobil İnternet | Hər bir MB | 0,20 |
| MMS | Hər bir ədəd | 0,10 |
