Bakı. 16 dekabr. REPORT.AZ/ “Azercell” şirkəti fakturalı xətt abunəçiləri üçün xüsusi “Yeni il” kampaniyasına başlayıb. Şirkətdən “Report”a bildirilib ki, kampaniya çərçivəsində bütün mövcud və mobil nömrə daşıma xidməti ilə “Azercell” şəbəkəsinə keçən fakturalı xətt abunəçiləri "iPhone 6" və "iPhone 6+" telefonu əldə edə bilərlər.
Kampaniyadan yararlanmaq üçün abunəçilər “Hədsiz” tarifinə qoşulub "iPhone 6" (16 GB), "iPhone 6" (64 GB) və "iPhone 6+" (64 GB) telefonu almalıdırlar.
Kampaniyaya qoşulma dərhal baş verir və “Hədsiz” tarif paketi növbəti gündən aktivləşdirilir. Bir abunəçi kampaniya çərçivəsində yalnız bir telefon əldə edə bilər.