“Azercell” beynəlxalq zənglərə tətbiq olunan endirimləri ləğv edir

Bakı. 9 sentyabr. REPORT.AZ/ Azərbaycanın aparıcı mobil rabitə operatoru olan “Azercell Telecom” şirkəti abunəçilərinə müraciət edib.

“Report”un xəbərinə görə, şirkət oktyabrın 10-dan etibarən korporativ abunəçilərin istifadəsində olan nömrələrdə beynəlxalq zənglərə görə tətbiq olunan endirimləri ləğv edir.

Bundan sonra, beynəlxalq zənglərə görə xidmət haqqı Tarif Şurası tərəfindən müəyyən edilən qiymətlərə uyğun olacaq.