Yuxarı
    Bağlamaq

    Azərbaycan Premyer Liqasında XXIX tura yekun vurulub

    Xallarını 38-ə çatdıran Neftçi 7-ci, 14 xala malik Xəzər Lənkəran isə 9-cu pillədə qalıb

    Bakı. 10 aprel. REPORT.AZ/Azərbaycan Premyer Liqasında XXIX tura yekun vurulub. 

    "Report"un məlumatına görə, ilk olaraq meydana "Rəvan" və "Zirə" komandaları çıxıb.

    Görüş qonaqların böyük hesablı qələbəsi ilə yekunlaşıb. "Zirə"nin 4 qolundan 3-nü vuran Nelson Bonilya bombardirlər siyahısında 13 topla vahid liderə çevrilib. Salvadorlu hücumçu "Rəvan"ı bu mövsüm 5-ci dəfə məyus edib. Bu nəticədən sonra "Zirə" xallarını 66-ya çatdıraraq, lider "Qarabağ"la top fərqini yenidən 10-a endirib. "Rəvan" isə 11 xalla 10-cu pillədə qalıb.

    9-cu pillədəki "Xəzər Lənkəran" isə "Böyük oyun" adlandırılan qarşılaşmada prinsipial rəqibi "Neftçi"ni qəbul edib. Bu matçda da qonaqlar sevinib. Yaganə qolu vuran Ruslan Qurbanov cəbhə xəttindəki məlum olaylarla əlaqədar əsgər salamı verməyi özünə borc bilib.

    Bu nəticə də komandaların turnir cədvəlindəki mövqeyinə təsir etməyib. Xallarını 38-ə çatdıran "Neftçi" 7-ci, 14 xala malik "Xəzər Lənkəran" isə 9-cu pillədə qalıb.

    Qeyd edək ki, turun əvvəlki qarşılaşmalarında "Qarabağ" "Kəpəz"i 4:0, "İnter" AZAL-ı 1:0 hesabı ilə yenib. "Sumqayıt" - "Qəbələ" matçında isə qalib müəyyənləşməyib - 1:1.

    10 aprel (bazar)

    14:00. "Rəvan” – "Zirə” - 0:4

    Qol: Luis Alberto Diez, 17. Nelson Bonilya, 52; 57; 90+2

    Hakimlər: Ramil Diniyev, Namiq Hüseynov, Nahid Əliyev, Ramil Əhmədov

    AFFA nümayəndəsi: Ramiz Abdullayev

    Hakim-inspektor: Murad Məmmədov

    "Bayıl Arena”

    16:30. "Xəzər Lənkəran” – "Neftçi” - 0:1

    Qol: Ruslan Qurbanov, 39

    Hakimlər: Əliyar Ağayev, Zeynal Zeynalov, Rza Məmmədov, Mahir Məmmədov

    AFFA nümayəndəsi: Şaiq Həmidov

    Hakim-inspektor: Füzuli Nəcəfov

    "Xəzər Lənkəran” mərkəzi stadionu

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi