Yuxarı

Yeniyetmə cüdoçularımız Avropa kubokunda 5 medal qazanıblar - FOTO

Yeniyetmə cüdoçularımız Avropa kubokunda 5 medal qazanıblar - FOTO
İspaniyada yeniyetmələr arasında Avropa kubokuna start verilib

Bakı. 19 fevral. REPORT.AZ/ İspaniyanın Fuengirola şəhərində yeniyetmələr arasında Avropa kubokuna start verilib.

"Report" Azərbaycan Cüdo Federasiyasına istinadən xəbər verir ki, yarışın ilk günü Azərbaycan milli komandası üçün uğurlu olub. Belə ki, cüdoçularımız 3 qızıl, 1 gümüş və 1 bürünc medal qazanıblar.

Ayxan Tanrıverdiyev (55 kq), Vüsal İbrahimov (60 kq) və Vüsalə Kərimova (40 kq) bütün rəqiblərindən üstün olaraq turnirin qızıl medallarına sahib olublar. Knyaz Mahmudlu (66 kq) gümüş, Nazir Talıbov isə Avropa kubokunun bürünc medalına yiyələniblər.

Qeyd edək ki, 21 ölkədən 423 idmançının (234 oğlan, 189 qız) mübarizə apardığı mötəbər turnirdə Azərbaycan milli komandası 16 cüdoçu (12 oğlan, 4 qız) ilə təmsil olunur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi