Yuxarı

Yaponiyada Azərbaycanın voleybol millisi üçün ziyafət verilib

Yaponiyada Azərbaycanın voleybol millisi üçün ziyafət verilib

Bakı. 23 sentyabr. REPORT.AZ/ Yaponiyanın Senday şəhərində təlim-məşq toplanışında Azərbaycan və İtaliyanın qadın voleybolçulardan ibarət milli komandaları, eləcə də hər iki ölkənin səfirləri üçün ziyafət təşkil edilib.

Azərbaycan Voleybol Federasiyasının mətbuat xidmətindən "Report"a verilən məlumata görə, şəhər merinin ziyafətində Azərbaycanın Yaponiyadakı səfirinin müşaviri Fərid Talıbov və millinin baş məşqçisi Faiq Qarayev çıxış edib.

Qarayev belə bir tədbir təşkil etdiyi üçün merə təşəkkürünü bldirib. O deyib ki, dünya çempionatında iştirak etmək böyük uğurdur: "Ölkəmizdə idmana böyük diqqət və qayğı var. Burada olmağımız da diqqətin nəticəsidir".

Talıbov da təşkilatçılığa görə minnətdarlıq ifadə edərək, "Dünya çempionatında iştirak etdiyi üçün millimizi, xalqımızı təbrik edirəm. Bu, böyük nailiyyətdir. Çempionatın başlamasına artıq sayılı günlər qalıb. Komandamıza uğurlar arzulayıram" deyib.

Qeyd edək ki, Azərbaycan millisi İtalya ilə 25-26 sentyabrda iki yoldaşlıq görüşü keçirəcək. Dünya çempionatı isə sentyabrın 29-da start götürəcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi