Bakı. 25 mart. REPORT.AZ/ Azərbaycanın qadınlardan ibarət "Rabitə" voleybol klubu CEV Kubokunun birinci yarımfinal qarşılaşmasında səfərdə Krasnodar "Dinamo"suna məğlub olub.
"Report" xəbər verir ki, çərşənbə axşamı Krasnodarda baş tutan qarşılaşma ev sahiblərinin 3:1 hesablı (25:20, 18:25, 25:23, 25:22) qələbəsi ilə yekunlaşıb.
Komandalar arasında cavab qarşılaşması martın 28-də Bakıda keçiriləcək.
Digər yarımfinal qarşılaşmasında "Qalatasaray" (Türkiyə) "Atom Trefl" (Polşa) ilə qarşılaşacaq.