İspaniyanın "Valensiya" klubunun baş məşqçisi istefaya göndərilib

Bakı. 21 sentyabr. REPORT.AZ/ İspaniyanın "Valensiya" klubunun baş məşqçisi Pako Aestaran istefaya göndərilib. 

"Report"un məlumatına görə, bu barədə qərar klubun direktorlar şurasının iclasında qəbul olunub.

İstefaya səbəb kimi "yarasalar"ın yeni mövsümün startındakı qeyri-qənaətbəxş nəticələri göstərilib. Baş məşqçi səlahiyyətlərinin icrası daha çox Voro kimi tanınan Salvador Qonsalesə tapşırılıb.

Qeyd edək ki, "Valensiya" La Liqanın ilk 4 turunda 4 məğlubiyyətlə üzləşib.