Bakı. 4 yanvar. REPORT.AZ / Dünyada ən təhlükəli avtomobil yarışı hesab edilən "Dakar Rallisi"nə bu gün Argentinada start verilir.
"Report"un TASS agentliyinə istinadla verdiyi xəbərə görə, Buenos-Aires şəhərində keçirilən marafon sayca 36-cı olacaq. İlk "Dakar Rallisi" 1978-ci ildə keçirilmişdi.
Qeyd edək ki, bu ilki ralliyə üç ölkə ev sahibliyi edəcək: Argentina, Boliviya və Çili.
Finala çatmak üçün iştirakçılar 13 mərhələdən keçərək 9 min kilometr məsafəni qət etməlidirlər.
Marafonda 164 motosiklet, 48 kvadrasikl, 148 minik və 64 yük maşını iştirak edir.