Bakı. 8 mart. REPORT.AZ/ Bu gün voleybolçu qadınlardan ibarət "Azəryol" klubu CEV Kubokunda ilk yarımfinal matçına çıxacaq.
"Report"un məlumatına görə, Azərbaycan təmsilçisi Rusiyanın Krasnodar şəhərində "Dinamo"nun qonağı olacaq.
Martın 6-dan Krasnodarda olan "Azəryol" görüşə iddialı yollanıb. Baş məşqçi Ziya Rəcəbov səfərdən ən azı 2:3 hesablı məğlubiyyətlə dönərək, Bakıda 3:0 və ya 3:1 hesablı qələbə sayəsində finala adlamaq istədiklərini açıqlayıb. Cavab görüşü martın 12-də Bakıdakı Voleybol Mərkəzində olacaq.
CEV Kuboku, 1/4 final (18:00, 8 mart)
"Dinamo" (Krasnodar, Rusiya) - "Azəryol" (Azərbaycan)
Hakimlər: Silvian Lunqu (Rumıniya), Lyubomir Qlobaçnik (Sloveniya)
Krasnodar, "Olimp" İdman Sarayı