Bakı. 19 may. REPORT.AZ/ Bu gün Azərbaycan idmançıları İranın Şiraz şəhərində start götürəcək yunan-Roma güləşi üzrə Dünya kubokunda mübarizəyə başlayır.
"Report" xəbər verir ki, hər il keçirilən yarışda iki qrupa bölünən 8 komanda iştirak edir.
Azərbaycan komandasının rəqibləri İran, Türkiyə və Ukrayna olacaq. Digər qrupda Rusiya, Almaniya, Belarus və Qazaxıstan mübarizə aparacaq. Mayın 19-da qrup görüşləri, mayın 20-də 1-ci, 3-cü, 5-ci və 7-ci yerlər uğrunda qarşılaşmalar keçiriləcək. Dünya kubokunu qazanmaq şansı əldə etmək üçün komanda öz qrupunda birinci yeri tutmalıdır.