Yuxarı

Azərbaycanda keçiriləcək voleybol üzrə Avropa çempionatının biletləri satışa çıxarılıb

Azərbaycanda keçiriləcək voleybol üzrə Avropa çempionatının biletləri satışa çıxarılıb
Biletlərin qiyməti 3 - 5 manat arasında dəyişir

Bakı. 24 iyul. REPORT.AZ/ Qadın voleybolçular arasında Azərbaycanda keçiriləcək Avropa çempionatının biletləri bu gündən satışa çıxarılıb.

Azərbaycan Voleybol Federasiyasından “Report”a verilən məlumata görə, biletlərin qiyməti 3 - 5 manat arasında dəyişir.

Açılış matçı, yarımfinal və medallar uğrunda oyunların biletləri 5 manat təşkil edir. Bir şəxs maksimum 10 bilet ala bilər.

Biletləri ASAN-1, ASAN-2, ASAN-3, ASAN-4, ASAN-Sumqayıtdan, Heydər Əliyev Sarayından, Nizami küçəsi və Bülbül prospektinin kəsışməsindən, Hökümət Evinin, “Azərbaycan” kinoteatrının yanından, “Gənclik Mall” və “28 Mall”da yerləşən “iTickets” köşklərindən əldə etmək olar.

Qeyd edək ki, 2017-ci il Avropa çempionatı 22 sentyabr - 1 oktyabrda keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi