Azərbaycan millisinin üzvü İtaliya klubu ilə müqavilə bağlayıb

Bakı. 14 iyun. REPORT.AZ/ Azərbaycan milli komandasının voleybolçusu Odina Bayramova karyerasını yenidən İtaliyada davam etdirəcək.

“Report” xəbər verir ki, 28 yaşlı idmançı A Seriyasına yüksələn “Kyeri” klubu ilə 1 illik müqavilə bağlayıb.

Qeyd edək ki, Bayramova 2016/2017 mövsümündə “Firenze”də forma geyinib. Azərbaycan millisinin digər üzvü Natalya Məmmədova isə 2006/2007 mövsümündə məhz "Kyeri”də çıxış edib.