Yuxarı

Azərbaycan ağır atletlərinin beynəlxalq yarışlardan kənarlaşdırılmalarına dair qərar qüvvəyə minib

Azərbaycan ağır atletlərinin beynəlxalq yarışlardan kənarlaşdırılmalarına dair qərar qüvvəyə minib
Bu barədə qərar sentyabrın 30-da IWF-in İcraiyyə Komitəsinin iclasında qəbul olunub

Bakı. 21 oktyabr. REPORT.AZ/ Oktyabrın 20-dən etibarən Azərbaycan və daha 8 ölkənin ağır atletlərinin bir il müddətinə beynəlxalq yarışlardan kənarlaşdırılmalarına dair qərar qüvvəyə minib.

“Report” xəbər verir ki, bu barədə Beynəlxalq Ağır Atletika Federasiyasının (IWF) mətbuat xidməti məlumat yayıb.

Bu barədə qərar sentyabrın 30-da IWF-in İcraiyyə Komitəsinin Rumıniyanın paytaxtı Buxarestdə keçirilən iclasında qəbul olunub.

Buna 2008-ci il Pekin və 2012-ci il London Yay Olimpiya Oyunlarında Azərbaycanın 3-dən çox, daha dəqiqi 5 atletinin dopinq-testinin təkrar analizlərinin müsbət nəticə verməsi səbəb olub. Azərbaycanla yanaşı, Ermənistan, Belarus, Çin, Moldova, Qazaxıstan, Rusiya, Türkiyə və Ukrayna da analoji cəzaya məruz qalıb.

Bu ölkələr 28 noyabr - 5 dekabrda ABŞ-ın Anahaym şəhərində keçiriləcək dünya çempionatına buraxılmayacaqlar.

Pekin olimpiadasında Sərdar Həsənov (62 kq), İntiqam Zairov (85 kq) və Nizami Paşayev (94 kq), Londonda isə Boyanka Kostova (58 kq) və İntiqam Zairovun (94 kq) dopinq-testlərinin təkrar analizləri müsbət nəticə verib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi