Bakı. 15 noyabr. REPORT.AZ/ Nigeriya Antidopinq Agentliyi Ümumdünya Antidopinq Agentliyinin (WADA) məcəlləsinə uyğunluqdan məhrum edilib.
“Report” xəbər verir ki, bununla bağlı qərarı Bakıda keçirilən WADA-nın Təsisçilər Şurasının və İcraiyyə Komitəsinin iclasında təşkilatın direktoru Olivye Niggli səsləndirib.
Qeyd edək ki, daha əvvəl WADA-nın İcraiyyə Komitəsi Kolumbiya, Portuqaliya və İsveçin paytaxtları - Boqota, Lissabon və Stokholmda yerləşən laborotoriyaların da akkreditasiyasını ləğv edib. Azərbaycan Milli Antidopinq Agentliyi 2016-cı ildə təsis edilib.