Şəhriyar Məmmədyarov Maqnus Karlsenə məğlub olub

Bakı. 19 yanvar. REPORT.AZ/ Hollandiyanın Veyk-an-Zee şəhərində keçirilən ənənəvi "Tata Steel Chess" beynəlxalq turniri davam edir.

“Report” xəbər verir ki, yarışın VI turunda azərbaycanlı qrossmeyster Şəhriyar Məmmədyarov hazırkı dünya çempionu olan norveçli Maqnus Karlsenlə qarşılaşıb.

Görüş azərbaycanlı şahmatçının məğlubiyyəti ilə başa çatıb. Yarışda Azərbaycanı təmsil edən Teymur Rəcəbov isə çinli Din Lijenlə heç-heçə edib.

Tata Steel Chess

Veyk-an-Zee, Hollandiya, 6-cı tur

Maqnus Karlsen (Norveç) – Şəhriyar Məmmədyarov (Azərbaycan) – 1:0

Rixard Rapport (Macarıstan) – Vladimir Kramnik (Rusiya) - 0,5:0,5

Vişvanatan Anand (Hindistan) – Yan Nepomnyaşi (Rusiya) – 0,5:0,5

Yan-Kşiştof Duda (Polşa) – Aniş Giri (Hollandiya) – 0:1

Din Lijen (Çin) – Teymur Rəcəbov (Azərbaycan) – 0,5:0,5

Santoş Vidit (Hindistan) – Sem Şenklend (ABŞ) – 0,5:0,5

Yorden van Forest (Hollandiya) – Vladimir Fedoseyev (Rusiya) – 1:0

Turnir cədvəlində vəziyyət: Nepomnyaşi, Lijen, Giri, Karlsen – hərəyə 4 xal, Vidit, Anand – 3,5, Rəxəbov – 3, Məmmədyarov, Duda, Şenklend, Rapport –2,5, Fedoseyev, Kramnik, van Forest – 2.