Yuxarı

RUSADA-nın keçmiş direktoru Ermənistan ağırlıqqaldıranlarının dopinq pozuntularına şərait yaradıb

O, erməni müştəriləri üçün stanozolol və turinabol kimi preparatlar əldə edib

Bakı. 29 mart. REPORT.AZ/ Moskva Antidopinq Laboratoriyasının (RUSADA) sabiq direktoru Qriqori Rodçenkov Ermənistan ağırlıqqaldıranlarının dopinq pozuntularını gizlədib. 

"Report"un məlumatına görə, belə bir ittiham Korrupsiya və Mütəşəkkil Cinayətkarlığın Araşdırılması Layihəsi (OCCRP) tərəfindən irəli sürülüb. İddia edilir ki, RUSADA-nın keçmiş rəhbəri erməni "müştərilər"i üçün stanozolol və turinabol kimi istifadəsi qadağan olunmuş preparatlar əldə edib. Həmin dərmanlar Ukraynadan alınıb və olimpiya mükafatçıları Tiqran Martirosyanla Rimsim Xurşidyan üçün istifadə olunub. Hər iki ağırlıqqaldıran 2008-ci il Pekin və 2012-ci il London Yay Olimpiya Oyunlarının medallarından məhrum edilib. 

Bundan başqa, Rodçenkov erməni idmançıların dopinq-test nümunələrini təmiz çıxarmaqdan da çəkinməyib. 

Qeyd edək ki, Qriqori Rodçenkov 11 noyabr 2015-ci ildə istefa verib. O, təhlükəsizliyindən ehtiyatlandığı üçün 2016-cı ilin yanvarında ABŞ-a qaçıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi