Bakı. 24 yanvar. REPORT.AZ/ Beynəlxalq Olimpiya Komitəsi (BOK) Qış Olimpiya Oyunları – 2018-də iştirak etməyən ölkələrin azarkeşlərinə öz dövlətlərinin bayraqlarını stadionlara keçirməsini qadağan edib.
“Report” xəbər verir ki, bu barədə Olimpiadanın Təşkilat Komitəsinin məlumatında deyilir.
Beləliklə, Rusiya bayrağı da qadağa altında olacaq. Çünki Rusiya idmançıları yarışlarda Olimpiya bayrağı altında çıxış edəcəklər.